На світанні, залітым скрухаю,
У сутоцы пад кронай бераста,
Затаіўшы дыханне, слухаю
Спевы рэчак тваіх, маё Берасце.
Пагляджу ў твае вочы волкія,
Да цябе прытуліцца спяшаюся.
Ты адзіны, мой горад золкавы,
Я заўсёды сюды вяртаюся.
Хай часы асыпаюцца росамі
На муры твае пасівелыя,
Ды ў жыцці ты не ведаеш восені –
Ты ўзыходзіш над Руссю Белаю.
Хай панікнуць вякі пераможана
І табе прысягнуць у вернасці...
Над гісторыяй у вернасці...
Над гісторыяй раздарожанай
Ззяе зоркаю маё Берасце.
Кароткі і хуткі ланцуг.
Стук-стук. Перазвон.
Імклівы ў працягласці рух.
Задуха. Вагон.
Паўсонныя твары людзей.
Паўголас. Паўзмрок.
Хвіліны часцей ды часцей –
Праз думак паток.
Нарэшце збауляецца ход.
Гармідар. Гурма.
Штурхаецца ў спешцы народ.
Сыходжу... Няма...
Нам з табою не будзе спакою –
Апячэ адчуванне віны,
Што маглі ліхалецце любое
Адалець... Але крыўды – ані.
Нам з табою не будзе спакою,
Што нічога не вернеш назад.
Мы сабе даравалі б любое...
Не даруе дзіцячы пагляд.