Нямецкі аператар
                                                     з паўмінуты
Яго зь экрана выпусціць не мог …
Хістаўся свет.
                                                     Агонь клубіўся крута.
І плошча
                                                    выслізгоўвала з-пад ног.
А конь імчаў,
                                                    ажно стагналі пліты —
Небаязлівы батарэйны конь.
Вось прыпыніўся,
                                                   заіржаў сярдзіта:
Няма сігналу,
                                                  а вакол агонь.
Але чамусьці не сыграў трывогі
Трубач.
                                                   І не сядлалі ўвішных пар.
Як дзіўна ўсё!..
                                                  І, пэўна, самі ногі
Яго панеслі
                                                  у гарматны парк.
Зямля дрыжала.
                                                  Рваліся снарады.
Буг ускіпеў
                                                 пад гул штурмавікоў …
Раздзьмуўшы ноздры,
                                                 ён чакаў спагады
І з выбухамі
                                                 зліўся стук падкоў.
… І плёнку заліло,
                                                 нібы слязамі.
І, чуючы,
                                                што гора насупроць,
Я рукі працягнуў у кіназале,
Каб ухапіць
                                                кароткую аброць.