Хорошо любоваться метелью из обметенного снегом окошка, чувствуя спиной исходящее от печи тепло.

Ольга Громыко «Верные враги»



Васіль Данілавіч Махновіч

Васіль Данілавіч Махновіч

Васіль Данілавіч Махновіч,
Герой сацыялістычнай працы,
Пачэсны грамадзянін г. Брэста
 

    Нарадзіўся Васіль Данілавіч Махновіч ў 1924 г. у в Варажбіты Бярозаўскага р-на Брэсцкай вобл. у шматдзетнай сялянскай сям'і, дзе было сямёра дзяцей. Працаваць пачаў у 11 гадоў.
    Удзельнік Вялікай Айчыннай вайны. Ён  удзельнічаў у баях за вызваленне  Варшавы, потым ваяваў ва Усходняй Прусіі, узнагароджаны баявымі ўзнагародамі - ордэнам Айчанный  вайны ІІ ступені і шасцю медалямі.
    Пасля вайны Васіль Данілавіч працаваў грузчыкам, качагарам.
    З 1951 г. Махновіч працуе  ў будтрэсце № 8 г. Брэста, а з 1953 г. ён узначаліў комплексную брыгаду, якая з 1972 г. працавала па метадзе брыгаднага падраду.  Брыгада Васіля Данілавіча ўсё рабіла выразна і зладжана, нібы гадзіннікавы механізм, з поўнай самааддачай. Васілю Данілавічу Махновічу прыйшлося працаваць у трох упраўленнях трэсту. Кожны раз, прымаючы рашэнне аб пераводзе Васіля Данілавіча, кіраўніцтва трэста рабіла гэта для ўмацавання калектыву моцнымі, высокапрафесійнымі кадрамі. Так было ў студзені 1961 г.  і ў кастрычніку 1967 г.  Ён умеў працаваць з людзьмі, натхняў іх, дапамагаў. Пры гэтым заўсёды сам падаваў прыклад высокапрадуктыўнай і якаснай працай. Валодаючы несумненнымі рысамі сапраўднага лідэра ў калектыве, ў адрозніванні ад іншых, Махновіч быў пазбаўлены ганарыстасці і гардыні, заўсёды знаходзіўся там, дзе цяжэй за ўсё.
    За навучанне больш, чым  за сто маладых рабочых будаўнічым прафесіям ў 1980 г. яму быў уручаны знак ЦК ВЛКСМ «Настаўнік моладзі», а ў 1981 г. прысвоена званне «Заслужаны настаўнiк працоўнай моладзі».
    Васіль Махновіч маў шмат узнагарод, ён – Заслужаны настаўнік рабочай моладзі БССР (1981), Герой Сацыялістычнай Працы (1971),  Узнагароджаны ордэнам Леніна (1971), двума ордэнамі Працоўнага Чырвонага Сцяга, (першы 1958 г.), ордэнам Айчыннай вайны 1-й ступені (1985), двума медалямі (у тым ліку «За адвагу») і залатым медалём «Серп і Молат» (1971).
    У 1978 г. Васілю Данілавічу Махновічу прысвоена званне «Пачэсны грамадзянін г. Брэста».
    Памёр у Брэсце, у 2007 г.

Літаратура:

        1.Махновіч Васіль Данілавіч // Памяць : Брэст. Гісторыка-дакументальная хроніка ў 2 кн. Мінск, 2001. Кн. 2.  С. 642.
        2.Махнович Василий Данилович // Брест : энцикл. справочник. Минск,С. 256.
        3.Махнович Василий Данилович // Долготович, Б. Д. Почетные граждане белорусских городов: биограф. Справочник / Б. Д. Долготович . Минск, 2008. С. 11–12.
        4.Трест во втором десятилетии. 1967-1977 гг. // Кусик, И. М. Созидатели: к 50-летию ОАО «Строительный трест №8» / И. М. Кусик. Брест, 2007. С. 37–66. – Из содерж. : [Махнович Василий Данилович]. - С.42–43.
        5.Город вырос из-под его руки // Вечерний Брест. 1997. №35.
        6.Василий Данилович Махнович: [Некролог] // Вечерний Брест. 2007. 31 января.

Прочитано 5006 раз