В паспортах таких людей, как я, надо вводить новые графы. Например, "размах крыльев" и пр.

Венедикт Ерофеев «Бесполезное ископаемое»



 

БРЭСЦКАЕ АДДЗЯЛЕННЕ
БРЭСЦКАЕ АДДЗЯЛЕННЕГА “САЮЗ БЕЛАРУСКІХ ПІСЬМЕННІКАЎ”
(ГІСТАРЫЧНАЯ  ДАВЕДКА)

 

   Брэсцкае абласное аддзяленне грамадскага аб’яднання “Саюз беларускіх пісьменнікаў” (сучасная назва) атрымала права на існаванне 13 студзеня 1981 года.

   У рашэнні аб яго ўтварэнні запісана, што асноўнымі напрамкамі дзейнасці аддзялення павінны стаць “актывізацыя творчага жыцця, прапаганда беларускай кнігі, выхаванне маладых талентаў”.

   Ініцыятарам і першым кіраўніком аддзялення быў таленавіты вучоны-літаратуразнаўца, прафесар Брэсцкага педагагічнага інстытута (цяпер універсітэт) імя А.С. Пушкіна Уладзімір Андрэевіч Калеснік. Першапачаткова ў склад аддзялення ўваходзіла 11 творцаў – Уладзімір Калеснік (старшыня), Іван Арабейка, Мікола Бусько, Зінаіда Дудзюк, Мікола Пракаповіч, Міхась Рудкоўскі, Святлана Курылёва, Алесь Каско, Ніна Мацяш, Алег Мінкін, Васіль Сахарчук.

   У 1984 годзе ўзначаліў абласную суполку Мікола Пракаповіч, у снежні 1990 года Алесь Каско, у 2006 годзе – Ніна Мацяш, якая была старшынёй да сваёй смерці ў 2009 годзе. Апасля працяглы час, да канца 2016 года, кіраваў дзіцячы пісьменнік Іван Міхайлавіч Мельнічук. З 2017 года аддзяленнем кіруе паэт, дацэнт БрДУ імя А. С. Пушкіна Мікалай Мікалаевіч Аляхновіч.

   За час існавання аддзяленне вырасла колькасна, асабліва за апошнія пяць гадоў.

  У свой час былі яго сябрамі і прымалі непасрэдны ўдзел у дзейнасці  аддзялення Васіль Сахарчук, Мікола Купрэеў, Сцяпан Крываль, Валодзя Стальмашук, якіх ужо няма з намі.

  У 1994 годзе не стала У. А. Калесніка, нядаўна пайшлі з жыцця наша незабываная Ніна Мацяш і цудоўны чалавек, выдатны паэт Іван Лагвіновіч, празаік Валянціна Кукса, навуковец Мікола Мішчанчук, паэт Кастусь Жминько…

   У 2007 годзе была заснавана абласная літаратурная прэмія імя У. Калесніка (лаўрэаты – Ярына Дашына і Леанід Філатаў). Пазней аблвыканкам заснаваў сваю, абласную, прэмію, узяўшы без дазволу тое ж імя Уладзіміра Калесніка. (Так прэмія абласнога аддзялення ГА СБП перастала існаваць. Паэт-пчаляр Мікола Папека заснаваў сваю, Мядовую, абласную літаратурную прэмію, якую ўручае кожны год літаратарам за лепшую выдадзеную кнігу.) Да таго ж у свой час паэт Алесь Каско стаў лаўрэатам літаратурнай прэміі імя Аркадзя Куляшова і міжнароднай – імя Ганны Краснапёркі, а яго сябар, паэт Мікола Пракаповіч, лаўрэатам прэміі імя Максіма Багдановіча.

 Пазней шэраг творцаў аддзялення СБП атрымалі і дыпломы лаўрэатаў Абласной літаратурнай прэміі імя Уладзіміра Калесніка Брэсцкага аблвыканкама (Алесь Каско, Іван Лагвіновіч, Мікола Пракаповіч, Алесь Корнеў, Алесь Паплаўскі, Мікола Купрэеў (пасмяротна).

  Цяпер у аддзяленні 40 творцаў. Рыхтуюцца да ўступлення ў Саюз новыя здольныя майстры слова.

 7 мая 2017 года

Леанід ВАЛАСЮК
Член ГА “Саюз беларускіх пісьменнікаў”,
член ГА “Беларускі саюз мастакоў”

Пятница, 20 Январь 2017

“МНЕ ЗАСТАЛАСЯ СПАДЧЫНА”

Мне засталася спадчына

 

   ПАЛАЖЭННЕ  АБЛАСНОГА ЛІТАРАТУРНАГА   КОНКУРСУ ДЛЯ ДЗЯЦЕЙ І ЮНАЦТВА НА БЕЛАРУСКАЙ МОВЕ, 
“МНЕ ЗАСТАЛАСЯ СПАДЧЫНА”
 ПРЫСВЕЧАНАГА 135-ГОДДЗЮ З
ДНЯ НАРАДЖЭННЯ  ЯНКІ КУПАЛЫ І ЯКУБА КОЛАСА 

 Мэты конкурсу:
-Папулярызацыя творчасці класікаў сусветнай і беларускай літаратуры Янкі Купалы і Якуба Коласа;
-Выяўленне маладых таленавітых паэтаў, выканаўцаў; развіццё творчых здольнацей вучняў, выхаванне эстэтычнага густу, падтрымка маладых літаратараў.

Арганізатары конкурсу:
-Брэсцкае абласное аддзяленне Саюза пісьменнікаў Беларусі сумесна з упраўленнем адукацыі Брэсцкага абласнога аблвыканкама.

Удзельнікі конкурсу:
Вучні 8-11 класаў устаноў агульнай сярэдняй адукацыі Брэсцкай вобласці.

     
   Журы, у склад якога ўваходзяць вядомыя пісьменнікі, філолагі, літаратурныя крытыкі,  вызначыць лепшыя творчыя работы.
Пераможцы ўзнагароджваюцца дыпломамі і прызамі. Лепшыя творы будуць апублікаваны.

Конкурсныя работы прынімаюцца з 1 лютага па 10 красавіка 2017 года на адрас: 224013, г.Брэст, пр-т Машэрава, 75/1, к. 605, Брэсцкае абласное аддзяленне Саюза пісьменнікаў Беларусі, з паметкай “На конкурс”, або на эл. адрас: Этот адрес электронной почты защищен от спам-ботов. У вас должен быть включен JavaScript для просмотра. , тэл. 333181589, 50-54-24

        Вынікі конкурсу будуць падведзены да 1 мая 2017 г.
        Конкурсныя работы павінны быць выдрукаваны на адной старонцы папяровага ліста фармату А-4.
        Агульны аб’ём работы не павінен перавышаць трох лістоў фармату А-4.

Разглядаюцца паэтычныя вершы, апавяданні.

 

На тытульным лісце неабходна ўказаць:

   - прозвішча, імя, імя па бацьку;
   - прозвішча, імя, імя па бацьку настаўніка;
   - дату нараджэння;
   - месца  вучобы;
   - адрас для перапіскі;
   - нумары кантактных тэлефонаў;
   - E-mail (калі ёсць).

   Работы, дасланыя пасля ўказанага тэрміну, не разглядаюцца.
   Дасланыя матэрыялы не рэцэнзуюцца і не вяртаюцца.

Старшыня Брэсцкага абласнога аддзялення Саюз пісьменнікаў Беларусі          Т.А.Дземідовіч

Опубликовано в Конкурсы