Фотавыстава “Кульмінацыя цішыні”

Выстава пейзажнай фатаграфіі Алеся Паплаўскага “Кульмінацыя цішыні” чакае наведвальнікаў у “Арт-прасторы бібліятэкі” з 1 лістапада па 30 снежня. 20 фотаздымкаў будзе прадстаўлена на выставе.
Моманты прыроднага спакою, цішыні, бязгучнасці. У работах Алеся тэхнічнае майстэрства цесна пераплятаецца з адчуваннем дакладнай перадачы натуральнай сутнасці прыроды. Здаецца, што Алесь, падобна вялікім жывапісцам, глыбока пранікае ў таямніцы прыроднай прыгажосці і ўвасабляе яе ў творах фотамастацтва.